ප්‍රංශයේ බ්‍රියාරිට්ස් නගරයේ ‘ජී7’ රාජ්‍ය නායක සමුළුව අවසන් වෙද්දී ඇමෙරිකා ජනාධිපති ඩොනල්ඞ් ට්‍රම්ප් ඊට සහභාගී වූ ලෝක නායකයන්ට කියා සිටියේ ලබන වසරේ ‘ජී7’ සමුළුව ඇමෙරිකාවේ ෆ්ලොරීඩාවේ ඩොරාල් ගොල්ෆ් ක්‍රීඩාංගනය සහ නිවාඩු නිකේතනයේ දී පැවැත්වීමට කටයුතු කරන බවය.

ෆ්ලොරීඩාවේ ඩොරාල් ගොල්ෆ් ක්‍රීඩාංගනය සහ නිවාඩු නිකේතනය ජනපති ට්‍රම්ප්ට අයත් නිවාඩු නිකේතනයකි. ‘ජී7’ රාජ්‍ය නායක සමුළුව මේ වනවිට ප්‍රංශයේ වෙරළාශ්‍රිතව බ්‍රියාරිට්ස් නගරයේ දී පැවැත්වෙයි.

‘ජී7’ කණ්ඩායමට අයත් සාමාජික රටවල් වන්නේ ප්‍රංශය, ඇමෙරිකාව, ඉතාලිය, කැනඩාව, ජර්මනිය, ජපානය සහ මහා බි්‍රතාන්‍යයයි. ‘ජී7’ සමුළුව වාර්ෂිකව පැවැත්වෙයි.

පැරිසියේදීය (රොයිටර්ස්)