ගුවන් යානයක පඩිපෙළින් වැටී කතක් මරුට
සෞදි අරාබියේ මදිනා නුවර මොහොමඩ් බින් අබ්දුලාසීස් කුමරු ජාත්‍යන්තර ගුවන්තොටුපළට පැමිණ ගුවන් යානයක පඩිපෙළෙන් කාන්තාවක් ඇදවැටී ජීවිතක්ෂයට පත් වී ඇති බව වාර්තා වේ.
ඉන්දුනීසියානු අඩු වියදම් පෞද්ගලික ගුවන් සේවයක් වන “ලයන් එයාර්“ ගුවන් සමාගමට අයත් A330 වර්ගයේ ගුවන් යානයකින් කාන්තාව බැස යන අවස්ථාවේදි මෙම අවාසනාවන්ත සිදුවීමට මුහුණදීමට සිදු ව ඇත.
අදාල සිදුවීමෙන් පසු, කාන්තාව රෝහල් ගත කිරීමට කටයුතු කළත්, ඇය ජීවිතක්ෂයට පත් වී සිටි බව ගුවන්තොටුපොළ ආරංචි මාර්ග සඳහන් කරයි.
ජානක ප්‍රියදර්ශන ජයතිලක
(GDNOnline - රියාද් නුවර)
