රට ඉඳි ගසක් කඩා වැටී සරසවි සිසුවියක් මරුට
ඊජිප්තුවේ විශ්වවිද්‍යාල සිසුවියක් රටඉඳි ගසක් කඩාවැටීම හේතුවෙන් ජීවිතක්ෂයට පත් වී ඇති බව වාර්තා වේ.
නැන්සි අහමඩ් නම් පශු වෛද්‍ය විද්‍යාව පිළිබඳව අධ්‍යාපනය හදාරමින් සිටි 20හැවිරිදි ශිෂ්‍යාව මෙම අවාසනාවන්ත අනතුරට මුහුණ දී ඇති බව පොලීසිය ප්‍රකාශ කළේ ය.
ප්‍රදේශයට බලපෑ අයහපත් කාලගුණික තත්ත්වය හේතුවෙන් රටඉඳ ගස කඩාවැටී ඇති අතර, අධික කම්පනය සහ කොන්ද කැඩී යෑම හේතුවෙන් ඇයව වහාම දැඩි සත්කාර ඒකකයට ඇතුලත් කර ඇත.
ඇගේ තුවාලවලින් ඇති වූ සංකූලතා හේතුවෙන් නැන්සි ජීවිතක්ෂයට පත් වු බව පොලීසිය වැඩිදුරටත් ප්‍රකාශ කළේ ය.
ජානක ප්‍රියදර්ශන ජයතිලක
(GDNOnline - කයිරෝ නුවර)
