තුර්කියේ හිම ක්‍රීඩා සඳහා පැමිණෙන සංචාරකයන් නවාතැන් ගන්නා හෝටලයක හටගත් ගින්නකින් 76 දෙනකු ජීවිතක්ෂයට පත්වුණු බව පැවැසෙයි.

ගින්නට හසුවීමෙන් පිළිස්සුම් තුවාල ලබා රෝහල්ගත කළ ගණන 51 කි. ඔවුන්ගෙන් කීප දෙනකුගේ තත්ත්වය බරපතල බවත් මරණ සංඛ්‍යාව තවත් ඉහළ යා හැකි බවත් පැවැසෙයි.

මහල් 11 කින් සමන්විත එම හෝටල ගොඩනැගිල්ලේ සිවුවනි මහලේ ගින්න හටගත් බව ද පැවැසෙයි. ගින්න නිවා දැමීමට ගිනි නිවන රථ 30 ක් යෙදවිණි. පැය කීපයක් යද්දී ගින්න සම්පූර්ණයෙන් නිවා දැමීමට ගිනි නිවන භටයෝ සමත් වූහ.

(ඒ.එෆ්.පී.)