ඉන්දියාවේ ‘ට්‍රම්ප් ගම’
ඇමෙරිකා ජනාධිපති ඩොනල්ඞ් ට්‍රම්ප් හමුවී, ද්වී පාර්ශ්වීය සබඳතා ශක්තිමත් කර ගැනීමේ අරමුණින් ඉන්දීය අගමැති නරේන්ද්‍ර මෝදි ඇමෙරිකාවේ වොෂින්ටන් අගනුවර බලා පිටත්ව ගිය අතර අගමැති මෝදිගේත්, ඇමෙරිකන් ජනපති ට්‍රම්ප්ගේත් එම හමුවට සතුට පළ කරමින්, ඉන්දියාවේ දිළිඳු ගම්මානයක වැසියන් සිය ගම්මානයේ නම ‘ට්‍රම්ප් ගම්මානය’ යනුවෙන් වෙනස් කර තිබේ.
මෙසේ නම වෙනස් කර ඇත්තේ හරිහැටි විදුලිය හෝ පානීය ජලය හෝ නොමැති හර්යානා ප්‍රාන්තයේ දිළිඳු ගම්මානයකි. මෙම ගම්මානය මීට පෙර ‘මරෝරා’ යනුවෙන් හැඳින්විය.
‘ට්‍රම්ප් ගම්මානයට සාදරනේ පිළිගන්නවා’ යැයි ඉංග්‍රීසි සහ හින්දි බසින් නාම පුවරු සවි කර ඇති අතර, තම ගම ට්‍රම්ප් ගම්මානය යනුවෙන් නම් කිරීම ගැන ගම් වැසියෝ අතිශයින් සතුටට පත් වී සිටිති.
ඔවුන් පවසන්නේ ට්‍රම්ප් සහ අගමැති මෝදිගේ හමුව සංකේතවත් කරමින් මෙසේ ගම්මානයේ නම වෙනස් කළ බවය.
ඉන්දීය පුවත් සේවා වැඩි දුරටත් පවසා ඇත්තේ ගම්මානයේ නම මෙසේ වෙනස් කිරීම ගම් වැසියන්ගේ තනි තීරණයක් බවත්, ඉන්දීය මධ්‍යම රජයේ හෝ ප්‍රාන්ත රජයේ හෝ අනුදැනුම මත සිදුවූවක් නොවන බවය.
(එන්.ඩී.ටීවී)
