නිදහස් උත්සවය බේරූට්හිදී සැමරේ
ලෙබනනයේ බේරූට් නුවර ශ්‍රී ලංකා තානාපති කාර්යාලය දින ශ්‍රී ලංකාවේ නිදහස් දිනයේ 72 වැනි සැමරුම , උත්සව දෙකකින් සමරනු ලැබීය.
එදින උදෑසන සැමරුම් උත්සවය ලෙබනනයේ ශ්‍රී ලාංකිකයන් සඳහා ශ්‍රී ලංකා නාතාපති කාර්යාල පරිශ්‍රයේදී පැවැත්විණි. ලෙබනනයේ එක්සත් ජාතීන්ගේ අන්තර් බලකායේ (යුනිෆිල්) අනුයුක්ත ශ්‍රී ලංකා හමුදා නිලධාරීන් ද මෙම අවස්ථාවට සහභාගී වූහ. ලෙබනනයේ තානාපති ශානි කල්‍යාණරත්න කරුණාරත්න මහතා ජාතික ධජය ඔසවා මාගුල් බෙරය මධ්‍යයේ ජාතික ගීය ගායනා කළේය. ජාතිය වෙනුවෙන් සිය ජීවිත පරිත්‍යාග කළ අය සිහි කිරීම සඳහා සර්ව ආගමික වත් පිළිවෙත් සහ මිනිත්තු දෙකක නිශ්ශබ්දතාවයක් පැවැත්විය.
ශ්‍රී ලංකා ජනාධිපතිවරයාගේ නිදහස් දින පණිවිඩය , අග්‍රාමාත්‍යවරයා සහ විදේශ සබඳතා, නිපුණතා සංවර්ධන, රැකියා හා කම්කරු සබඳතා අමාත්‍යවරයා නිදහස් දින පණිවිඩ සිංහල හා දෙමළ භාෂාවලින් කියවන ලදී. උදෑසන උත්සවය ශ්‍රී ලංකාවේ සාම්ප්‍රදායික උදෑසන ආහාරය සමඟ කිරි සහල් සහ ප්‍රණීත ආහාර ඇතුළු සියලුම අමුත්තන්ට පිරිනමන ලදී.
එදිනම සවස තානාපතිවරිය විසින් ලෙබනනයේ සිටින රාජ්‍ය තාන්ත්‍රිකයින්ට , විදේශ කටයුතු හා විගාමික අමාත්‍යාංශයේ නිලධාරීන්, ලෙබනන් බලධාරීන් සහ බේරූට් හි පිහිටි ජාත්‍යන්තර සංවිධාන නියෝජනය කරන නිලධාරීන්, ව්‍යාපාරිකයින් සහ සංචාරක ක්‍රියාකරුවන්, සාමාජිකයින් ලෙබනනයේ ලංකා සංගම් සහ මාධ්‍යවේදීන් වෙනුවෙන් දෙවැනි සැමරුම් උත්සවය හස්මීහි ලැන්කැස්ටර් ටමාර් හෝටලයේ පැවැත්විණි.
මෙම අවස්ථාවට ආරාධිත අමුත්තන් වූයේ ලෙබනනයේ ජනාධිපති ජෙනරාල් මයිකල් අවුන්, විනිසුරු මහමුද් මක්කී, අමාත්‍ය මණ්ඩලයේ මහලේකම් සහ අමාත්‍ය මණ්ඩලයේ සභාපති ජනරාල් යන මහත්වරුන් නියෝජනය කරමින් පාර්ලිමේන්තු මන්ත්‍රී සීසර් අබි කලීල් ය. අග්‍රාමාත්‍ය ආචාර්ය හසන් ඩයබ් සහ ප්‍රොටෝකෝලා ප්‍රධානී තානාපති නජ්ලා රියාචි, විදේශ කටයුතු හා විගාමික අමාත්‍ය නසීෆ් හෙටී යන මහත්වරැන්ය.
උත්සවය ආරම්භ වූයේ ලෙබනනයේ සහ ශ්‍රී ලංකාවේ ජාතික ගීය වාදනය කිරීමෙන් අනතුරුව තානාපතිනියගේ දේශනයත් සමඟ ජනාධිපති රාජපක්ෂගේ නායකත්වයෙන් යුත් ප්‍රතිපත්ති ප්‍රකාශනය සමඟින් විස්තර කළ අතර ලෙබනනය සමඟ දැනට පවතින ශක්තිමත් ද්විපාර්ශ්වික සබඳතා තවදුරටත් වර්ධනය කිරීම ගැනද එහිදී ඇය අවධාරණය කළාය.
මේ අතර, ලෙබනනයේ සංචාරක මෙහෙයුම් සමාගමක් වන නාඩා රෆායෙල් සහ ටුවර්ලෙබ්හි ජොයෙල් ස්ෆීර් විසින් ඡායාරූප ගත කළ ශ්‍රී ලංකාවේ දර්ශනීය ස්වභාවය ඇතුලත් ඡායාරූප ප්‍රදර්ශනයක්ද පැවැත්විණි.
මෙහිදී අමුත්තන් සදහා දි සිලෝන් ටී වල රස බැලීමට අවස්ථාවක් ලබා දෙන ලදී. ඊට අමතරව සාම්ප්‍රදායික ශ්‍රී ලාංකික නර්තනයක් ද ශ්‍රී ලාංකික ප්‍රජාව විසින් ඉදිරිපත් කරන ලදී.
( තිළිණි ද සිල්වා )
