ලොව විශාලම හොටලය සෞදි අරාබියේ ඉදිවේ
හර්ෂණ තුෂාර
කාමර දස දහසකින් යුතු ලොව විශාලතම හෝටලය ලබන වසර ආරම්භයේදී මක්කමදී විවෘත කිරීමට නියමිතය. ‘අබ්රාජ් කුදායි’ නමින් හැඳින්වෙන මෙම හෝටලය ඉදි කෙරෙන්නේ ඉස්ලාම් භක්තිකයන්ගේ පූජනීය නගරය වන මක්කම සිට සැතපුමක් දකුණිනි.
මක්කම පැමිණෙන ධනවත් වන්දනාකරුවන්ට නවාතැන් ගැනීම සඳහා සුඛෝපභෝගී කාමරවලින් සමන්විත වන අතර සෞදි රජ පවුල සඳහා හෝටලයේ වෙනම කොටසක් ද ඉදි කර ඇත. සාප්පු සංකීර්ණ, ආපනශාලා ආදී පහසුකම් රැසකින් සමන්විත වන මෙම හෝටලය තුළ ඇති නැරැඹීමට මාසයක් වුවද ප්‍රමාණවත් නැතැයි පැවසේ.
කාමර දස දහසකින් සමන්විත මෙම හෝටලය කුළුණු 12කින් සමන්විත වෙයි. එහි කුළුණු 10ක තරු හතරේ නවාතැන් පහසුකම් ඇති ඒවා වන අතර ඉතිරි දෙක තරු පහේ පහසුකම් සොයන අමුත්තන්ට වෙන්ව ඇත.
විශාලතම කුළුණු මහල් 45කින් සමන්විත වන අතර උසින් අඩු කුළුණු මහල් 30කින් සමන්විත වෙයි.
හෝටලයේ මහල් පහක් සෞදි රජ පවුල වෙනුවෙන් වෙන් කර ඇත. මේ වනවිට ඉදිකෙරෙමින් පවතින මෙම හෝටලයේ පරගණක ගත ඡායාරූපවලට අනුව මෙහි හෙල්කොප්ටර් යානා නැවැත්වීම සඳහා තොටුපොළවල් (හෙලිපෑඞ් (්‍යැකසච්ා)) හතරකින් සමන්විතය.
ආපනශාලා 70කින් සමන්විත මෙම හෝටලය ඉදි කිරීම සඳහා වැයවන මුදල ඇමෙරිකානු ඩොලර් බිලියන 3.5ක් යැයි ද පැවසේ. මෙම හෝටලයේ අත්තිවාරම වර්ග මීටර 64,000කි. මෙම හෝටලයේ මූළු බිම් ප්‍රමාණය වර්ග මීටර 1,400,000කි .
මෙම හෝටලය එහි පළමුවැනි අමුත්තා 2017 වසරේ පිළිගැනීමට සූදානමින් සිටියද එය 2018 වනතෙක් කල් යනු ඇතැයි ද වාර්තා වේ.
සෑම වසරකම හජ් උත්සවය වෙනුවෙන් පමණක් මක්කමට පැමිණෙන වන්දන්කරුවන්ගේ සංඛ්‍යාව 2,000,000 ඉක්මවයි. මක්කමට වාර්ෂිකව පැමිණෙන පිරිසගේ සංඛ්‍යාව 20,000,000කි.
ලොව විශාලතම හෝටල් දහය
1. ‘ෆස්ට් වර්ල්ඞ් හොටෙල්’, ගෙන්ටින් හයිලෑන්ඞ්ස්, මැලේසියා, - කාමර 7,351
2. ‘ද වැනීෂියන් ඇන්ඞ් ද පැලසෝ’, ලාස් වේගාස්, ඇමෙරිකාව - කාමර 7,117
3. ‘එම්.ජී.එම් ග්‍රෑන්ඞ් ලාස් වේගාස්, ද සිග්නේචර්’, ලාස් වේගාස්, ඇමෙරිකාව - කාමර 6,852
4. ‘සිටි සෙන්ටර්’, ලාස් වේගාස්, ඇමෙරිකාව - කාමර 6,790
5. ‘සෑන්ඞ් කෝටායි සෙන්ට්‍රල්, මැකාවෝ - කාමර 6,000
6. ‘ඉස්මායිලෝවා’ හෝටලය, මොස්කව්, රුසියාව - කාමර 5000
7. ‘වින් ලාසින් වේගාස්, එන්කෝ ලාස් වේගාස්’, ලාස් වේගාස්, ඇමෙරිකාව - කාමර 4,750
8. ‘මැන්ඩලෙයි, ඩෙලානෝ, ෆෝ සීසන්ස්, ලාස් වේගාස්, ඇමෙරිකාව - කාමර 4,426
9. ‘ලුක්සෝආර්, ලාස් වේගාස්, ඇමෙරිකාව - කාමර 4,407
10. ‘ඇම්බැසඩර් සිටි ජොම්ෂියන්’, පටාය, තායිලන්තය - කාමර 4,219
