ගාසා තීරයේ තවත් හමාස් නායකයෙක් ඝාතනය කෙරේ
ගාසා තීරයේ, ගාසා රෝහල තුළ පලස්තීන සිවිල් වැසියන් 1,000 ක පිරිසක් මිනිස් පළිහක් ලෙස රඳවාගෙන, ආරක්ෂිතව සැඟවී සිටි, හමාස් නායක අහ්මද් සියාද් ඝාතනය කිරීමට තම හමුදා සමත් වූ බව ඊශ්‍රායලය කියයි.
ඊශ්‍රායල හමුදා ගාසා රෝහලට ගුවනින් පමණක් නොව, ගොඩබිමින් ද ප්‍රහාර එල්ල කළ අවස්ථාවේ, මියගිය පිරිස අතරේ අහ්මද් සියාද් ද සිටි බව ඊශ්‍රායල හමුදාව වැඩි දුරටත් කියා සිටී.
මේ වනවිට ඊශ්‍රායල හමුදා ප්‍රහාරවලින් හමාස් සටන්කාමී නායකයන් බොහෝ දෙනකු ජීවිතක්ෂයට පත්ව ඇතැයි ද පැවැසෙයි. හමාස් සටන්කාමීන් ගාසා තීරයේ සිට ඊශ්‍රායල හමුදාවට පහර දී සැඟවෙන්නේ ගාසා තීරය යට ඇති උමං පද්ධති තුළය. ගාසා රෝහලට යටින් ද හමාස් උමං පද්ධතියක් ඇති බවත් එය සොයා ගැනීමට හැකි වුණු බවත් ඊශ්‍රායල හමුදාව පවසා තිබේ.
(ඒ.එෆ්.පී.)
