ඊශ්‍රායල අගමැති හිස්බුල්ලා සංවිධානයට අනතුරු අඟවයි
හමාස් සංවිධානයට දිගින් දිගටම සහාය පළ කරමින්, හමාස් සංවිධානය සමඟ එක් වී, ලෙබනනයේ හිස්බුල්ලා සංවිධානය, ඊශ්‍රායලයට එරෙහිව සටන් වැදුණොත්, ලෙබනනයේ බේරූට් අගනුවර ‘තවත් ගාසා තීරයක්’ බවට පරිවරිතනය කරන බවට ඊශ්‍රායල අග්‍රාමාත්‍ය බෙන්ජමින් නෙදන්යාහු අනතුරු අඟවයි.
හමාස් සංවිධානය සේම, ලෙබනනයේ හිස්බුල්ලා සංවිධානය ද සන්නද්ධ අංශයකින් සහ දේශපාලන අංශයකින් සමන්විතය. මෙම සංවිධාන දෙකටම, ෂියා මුස්ලිම් ඉරානයේ ද සහාය, මූල්‍ය අනුග්‍රහය, අවි ආයුධ සහ අවි පුහුණුවක් ලැබේ.
හමාස් සංවිධානය සමඟ එක් වී, ඔවුන්ට සහාය දෙමින්, ඊශ්‍රායලයට එරෙහිව සටන් වැදීමට කටයුතු කරන බව හිස්බුල්ලා සංවිධානය ඊශ්‍රායලයට අනතුරු අඟවා ඇත්තේ, ඊශ්‍රායල ප්‍රහාරවලින් දිගින් දිගටම පලස්තීන සිවිල් වැසියන් මියයෑම හේතුවෙනි.
