නායක හමුව අප්‍රේල් 27 වැනිදා
උතුරු කොරියා නායක කිම් ජොන් උන් සහ දකුණු කොරියා ජනාධිපති මූන් ජේ ඉන් සහභාගී වන ‘කොරියානු සමුළුව’ ලබන අප්‍රේල් 27 වැනිදා දෙරටටම පොදු දේශසීමා කලාපයේ පැවැත්වීමට සියලු කටයුතු යොදා ඇතැයි වාර්තා වේ.
උතුරු කොරියා නායක කිම් ජොන් උන් සහ දකුණු කොරියානු ජනාධිපති මූන් ජේ ඉන් අතර හමුව පැවැත්වෙන්නේ උතුරු කොරියානු නායකයාගේ යෝජනාවකට අනුවය.
උතුරු කොරියාව සහ දකුණු කොරියාව මේ වනවිට සාම මාවතකට පිවිසීමට සූදානමින් සිටී. ඒ සඳහා දකුණු කොරියානු ජනාධිපති මූන් ජේ ඉන් ද කැපැවී කටයුතු කරයි. සීත ඔලිම්පික් උළෙලින් පසු, දකුණු කොරියානු නියෝජිතයෝ පිරිසක් උතුරු කොරියාවේ සංචාරය කළහ.
එම සංචාරය සාර්ථක විය. දකුණු කොරියානු ජනාධිපති හමුවී සාකච්ඡා පැවැත්වීමටත් කොරියානු සමුළුවක් පැවැත්වීමටත් උතුරු කොරියානු නායකයා තීරණය කළේ එම අවස්ථාවේදීය.
(ඒ.එෆ්.පී.)
