ඉන්ධන බවුසරයක් පිපිරේ
ඉතාලියේ ඉන්ධන බවුසරයක් ට්‍රක් රථයක හැපී ගිනිගෙන පුපුරා යෑමෙන් පුදග්ලයෝ දෙදෙනෙක් ජීවිතක්ෂයට පත් වූහ. තුවාල ලැබූ ගණන 70 කට වැඩිය.
අනතුර සිදුවූයේ බොලොග්නා නගරය තෙක් දිවෙන කාර්යබහුල අධිවේගී මාර්ගයේ බොලොග්නා ගුවන්තොටුපොළට නුදුරිනි.
අවට මෝටර් රථ රැසකට ද පිපිරීමෙන් හානි සිදුවිය. පිපිරීම සිදුවන අයුරු දැක්වෙන වීඩියෝ දසුන් ද මේ වනවිට විදෙස් පුවත් සේවා ඔස්සේ ප්‍රසිද්ධියට පත් වී ඇත.
පිපිරීමෙන් පසු ගින්න පැතිරී යෑමට පටන් ගත් අතර, එය වහා පාලනය කිරීමට ගිනිනිවන භටයෝ සමත් වූහ. තුවාල ලැබූවන් කඩිනමින් රෝහල් ගත කෙරුණි.
(රොයිටර්)
