මරණයේ පුංචි ඇපල් ගෙඩිය
මැන්චනීල් ශාකය, MANCHINEEL TREE ස්පාඤ්ඤ බසින්, මුන්සනිල්ලා දෙ ලා මුඅර්තේ Munzanilla de la muerte ලෙසින් හැදින්වේ. එහි තේරුම " මරණයේ පුංචි ඇපල් ගෙඩිය" යන්නයි. එය නමින් මැන්චිනීල්ය. එය ස්පර්ජ් පවුලට අයත් ශාක විශේෂයකි. ශාකයේ සියලූම කොටස් විශ සහිත වන අතර සුදු පැහැති කිරි ප්‍රබල ආසාත්මිකතා ඇති කරයි.
ශාක කොටස් පිලිස්සීමේදී ඇතිවන දුමාරය අක්ෂි තුවාල ඇති කරන අතර අන්ධභාවය පවා ඇති විය හැකිය. වර්ෂාව අතරතුර ගස යට සිටීමෙන් පවා සමෙහි බිබිලි ඇති කරයි. යුෂ වල ඇති සැර නිසා දරුණු ඉරුවාරදයන්, චර්ම රෝග, හුස්ම ගැනීමේ අපහසුතා මතු වන බවයි. ශරීරගත වීමෙන් අභ්‍යන්තර ලේ ගැලීම්, කම්පනය සහ බැක්ටීරියා අධි සාන්ද්‍රණය සමඟ ආමාශයේ දරුණු රෝගාබාධ ඇති කළහැකි අතර ස්වසන මාර්ගයේ අබාධ ද ඇතිවිය හැකිය.
සංචාරකයන්ට වැස්සකට පවා මෙවැනි ගස් යට නොසිටින ලෙස දැනුවත් කර ඇත්තේ ගසින් බේරෙන ජල බිංදුවකින් වුවද සම පිච්චීමට ඇති ඉඩකඩ නිසයි. මැන්චනීල් ශාකයේ පළතුරු අනුභව කිරීම මාරාන්තික වන නමුත් වර්ථමානයේදී එවැනි සිදුවීම් වාර්තාවී නොමැත. ලෝකයේ භයානකම ගස ලෙස විශ්වාස කරන මැන්චනීල් ශාකය කැරබියානු දූපත්, ෆ්ලොරිඩාව ඇතුළු මෙක්සිකන් බොක්කේ වැලි සහිත ප්‍රදේශවලට ආවේණික වේ.
මෙම බිහිසුණු ශාකයෙහි ඇත්තේ දිදුලන කොළ පැහැයෙන් යුත් ඕවල් හැඩැති ශාක පත්‍රය.මෙය සමාන්ය පඳුරු වලට වඩා මඳක් උස් වන අතර මෙයට අඩි 50ක පමන උසකට විහිදිය හැක.ශාක පොත්ත අළු පැහැයට හුරු පැහැයකින් යුත් අතර මෙහි නිපදවෙන පළතුර සුවඳින් හා දැක්මෙන් ඉතා ප්‍රිය උපදවන සුළුය.කෙසේ වුවද මෙම ගසේ පහල සිට ගස මුදුනත දක්වා ඇති සෑම කොටසක්ම අතිශය මරාන්තික බව පැවසේ. මිනිසුන් මේ පිළිබඳ දැනුවත් කල ඇති අතර මෙවැනි ගස් තිබෙන ස්ථාවන වලින් මීටර් කීපයක් ඈතින් විසීමටද පවසා ඇත.මෙම ගසෙන් වැහෙන කිරි ශ්‍රාවය දවන සුළු ගුණයෙන් යුක්ත වන නිසායි.
16 වැනි සියවසේ දි මෙම ශාකය ගස යට තබා ඒ වැටෙන වතුර වලින් ඔවුන්ව පුච්චා අන්ධ කිරීමද කැරලි කරුවන් පෙළඹී ඇත. ස්පාඤ්ඤ සටන්කාමියෙක් පවා 1521 දි මෙම විෂ නිසා මරු මුවට පත් විය. මෙම ගසේ පට්ට පවා අති බිහිසුණුය. මේව කිසිම විටක පිච්චීම සිදු නොකල යුතු අතර ඒ දුමින් පෙනහළු,සම, ඇස් වැනි දේ දවා අළු කළ හැකිය.
මෙය ඇපල් ගෙඩියක් ලෙස හඳුන්වා දුන්න ද සැබැවින්ම මෙය ඇපල් ගෙඩියක් නොවේ. මෙම මැන්චීනීල් ගසෙහි ඇති පළතුරෙන් ඉතා කුඩා ස්වල්පයකින් වුවද මරාන්තික ප්‍රතිඵල එනම් උගුර දිව පිච්චීම්, ශරීර අභ්‍යන්තර ලේ ගැලිම් වැනි දේ මෙයින් ඇතිවිය හැකිය.
මෙය ආහාරයට ගත් රේඩියෝ විකිරණ ප්‍රතිකාර උපදේශකයෙකු වන නිකොලා එච් ස්ටික්ලන්ඩ් මෙය ආහාරයට ගැනීම නිසා මෙසේ පැය අටක් යනතුරු පෙර කි ලෙස උගුර හා දිව දැවීමට භාජනය කිරි හැරෙන්නට වෙන කිසිඳු දෙයක් ශරීර ගත කිරීමට අපහසු වි ඉතා කටුක අත්දැකීමක් ලැබ ඇත්තේ ඇය ෆ්ලෝරිඩා හි සංචරයක නියැළුලුනු අවස්ථාවේය. ඇගේ බසට කන් දී ඇගේ යහළුවාද මෙය අනුභව කිරිමෙන් පෙර කී තත්වයෙන්ම කටුක අත්දැකීමකට මුහුණ දුනි.දැව භාණ්ඩ නිශ්පාදකයින් පරිස්සමින් මෙහි දැව කපා අව්වේ වේලීම මගින් මෙහි ඇති විෂ පහ කරයි. ඉන් පසු ඔවුන් මෙයින් දැව භාණ්ඩ පවා නිෂ්පාදනය කරයි.තවත් අති දක්ෂයින් මෙහි ඇති ස්රාවය මගින් මැලියම් වර්ගයක් නිපදවන අතර ඒවා මගින් ජැමෙයිකාවේ නොයෙකුත් රෝග සඳහා ප්‍රතිකාර ක්‍රමයක් වශයෙන්ද භාවිතා කරනු ලබයි . මෙවැනි ප්‍රයෝජන ලබා ගත්තද මෙම ගසෙහි ඇති මාරාන්තික බව නිසා සහ ආපදාවන් නිසා මෙම ශාකය පිළිබඳ සිතට නැගෙන්නේ භීතියකි.
සටහන - ජයනි සිතාරි අල්විස්
