මේ වසරේ මේ දක්වා ගත වූ කාලය තුළ මධ්‍යධරණී මුහුද තරණය කරමින් යුරෝපයට ගමන් කිරීමට උත්සහ කර මියගිය පිරිස 3,740ක් යැයි එක්සත් ජාතීන්ගේ සරණාගතයන් සඳහා මහ කොමසාරිස් කාර්යාලය සඳහන් කරයි.

 

කෙසේ වෙතත් පසුගිය වසරේදී මියගිය සංඛ්‍යාව 3,771ක් යැයි සඳහන් කරන එම කාර්යාලය මේ වසරේ තවත් මාස දෙකක් ගත වීමට තිබියදී මිය ගිය ගණන සාපේක්ෂව වැඩි යැයි ද පවසා සිටියි.  

මිය ගිය ගණන පසුගිය වසරට සාපේක්ෂව වැඩි වුවද මේ වසරේදී මධ්‍යධරණී මුහුද ඔස්සේ ගමන් කළ පිරිසේ අඩුවක් දක්නට ඇතැයි ද වාර්තා වේ. එක්සත් ජාතීන්ගේ සරණාගතයන් සඳහා මහ කොමසාරිස් කාර්යාලයේ වාර්තාවලට අනුව පසුගිය වසරේදී මධ්‍යධරණී මුහුද ඔස්සේ ගමන් කළ ප්‍රමාණය මිලියන එකක් වන විට මේ වසරේ මේ දක්වා කාලය තුළ ගමන් කළ පිරිස 327,800කි.