වසර 20 ක් තිස්සේ ඇල්ජීරියාවේ ජනාධිපති ලෙස කටයුතු කළ අබ්දෙල්ලාසී බුටේෆ්ලිකා ජනතා විරෝධය සහ හමුදාවේ බලපෑම මත ධුරයෙන් ඉවත් වූවා පමණක් නොව, තමන් අතින් වරදක් සිදුවූයේ නම් ඊට සමාව දෙන්නැයි ද ජනතාවගෙන් ඉල්ලා ඇත.

ධුරයෙන් ඉවත් වූ 82 හැවිරිදි බුටේෆ්ලිකා මෙසේ සමාව ඉල්ලා ඇත්තේ ලිපියකිනි. ඇල්ජිරියාවේ ජනාධිපති ධුරය හොබවන්න ලැබීම තමාට ආඩම්බරයක් බව ද එම ලිපියෙහි සඳහන් වෙයි. එපමණක් නොව, ඇල්ජීරියානුවන් සැමවිටම එකමුතුව සිටිය යුතු බවත්, ඒකීවත්වය සුරැකිය යුතු බවත් බුටේෆ්ලිකා සිය සමුගැනීමේ ලිපිය හරහා ඉල්ලීමක් ද කර ඇත.

(අල් ජසීරා)