දකුණු අප්‍රිකාවේ ජනාධිපතිවරණයත් පාර්ලිමේන්තු මැතිවරණයත් පසුගිය දා පැවැත්වුණු අතර, එයින් ජයග්‍රහණය කිරීමට ජනාධිපති සිරිල් රැම්පෝසා සහ ඔහුගේ අප්‍රිකානු ජාතික කොංග්‍රසය සමත් වී තිබේ.

අප්‍රිකානු ජාතික කොංග්‍රසය සියයට 57 ක ඡන්ද ප්‍රතිශතයක් හිමිකරගත් බව මැතිවරණ කොමිසම නිවේදනය කළේය. සිරිල් රැම්පෝසා දකුණු අප්‍රිකාවේ ජනාධිපති ධුරයට පත් වූයේ වසර 9 ක් ජනපති ධුරයේ සිටි ජේකොබ් සූමාගෙන් පසුවය.

ජේකොබ් සූමාට ජනාධිපති ධුරය අහිමිවූයේ දූෂණ වංචා චෝදනා සම්බන්ධයෙන් දැඩි ජනතා විරෝධයක් එල්ල වීමෙන් පසුවය.

(රොයිටර්ස්)