ටයිගර් වුඞ්ස්ට ජනපති සම්මාන
ඇමෙරිකන් ගොල්ෆ් ක්‍රීඩක ටයිගර් වුඞ්ස්ට ඇමෙරිකන් ජනාධිපති ඩොනල්ඞ් ට්‍රම්ප් අතින් ‘නිදහසේ සම්මානය’ පදක්කම හිමිවිය.
පදක්කම පිරිනැමීම ජනාධිපති ඩොනල්ඞ් ට්‍රම්ප් සහ ආර්යා මෙලානියා අතින් සිදුවූයේ ධවල මන්දිරයේදීය.
ටයිගර් වුඞ්ස් ලෝක පූජිත අසහාය ගොල්ෆ් ක්‍රීඩකයකු බවත් මිලියන ගණනක් ඇමෙරිකන් තරුණයන්ට ඔහු ආදර්ශයක් වූ බවත් පදක්කම පිරිනමමින්, ජනාධිපති ට්‍රම්ප් පැවැසීය.
43 හැවිරිදි ටයිගර් වුඞ්ස් සමඟ ඔහුගේ පෙම්වතිය එරිකාත්, දියණිය සහ පුත්‍රයාත් මෙම අවස්ථාවට එක් වී සිටියහ.
(ඬේලිමේල් ඇසුරිනි)
