ඇමෙරිකා එක්සත් ජනපදයේ උතුරු කැරොලිනා ප්‍රාන්තයේ චාලොට් නුවර සරසවියක සිදුවුණු වෙඩි තැබීමේ සිදුවීමකින් දෙදෙනක් ජීවිතක්ෂයට පත්වූහ. සිවු දෙනෙක් තුවාල ලැබූහ. තුවාල ලැබූ සිවු දෙනාගෙන් දෙදෙනකුගේ තත්ත්වය බරපතල බව පැවැසෙයි.

වෙඩි තැබීම කළ තැනැත්තා 22 හැවිරිදි ඇන්ඩෲ ටෙරල් නමැති සිසුවාය. ආරක්ෂක අංශ කළ දැනුම්දීමට අනුව පොලිසිය වහා ක්‍රියාත්මක වී සරසවිය වැටලූ බවත්, වෙඩි තැබීම කළ තැනැත්තා ජීවග්‍රහයෙන් අල්ලා ගත් බවත් පැවැසෙයි. එය ත්‍රස්ත ප්‍රහාරයක්දැයි සෙවීමේ විශේෂ පරීක්ෂණ මේ වනවිට ආරම්භ වී ඇතැයි පොලිසිය පවසයි.

චාලොට්හිදීය (රොයිටර්ස්)