තමන් සිදු කළ ගුවන් ප්‍රහාරවලින්, සෝමාලියාවේ ප්‍රචණ්ඩ නක්‍රියා සිදුකරන අල් ෂෙබාබ් ත්‍රස්තවාදීන් හැට දෙදෙනකු මියගොස් ඇතැයි ඇමෙරිකා හමුදාව නිවේදනය කළේය.

ඇමෙරිකා හමුදාව එල්ල කළ ගුවන් ප්‍රහාර ගණන 6 කි. පළමු ගුවන් ප්‍රහාරයෙන් ත්‍රස්තවාදීන් තිස් දෙදනකු ද දෙවැනි ගුවන් ප්‍රහාරයෙන් ත්‍රස්තවාදීන් 28 දෙනකු ද මියගොස් ඇති බව ඇමෙරිකන් හමුදාව වැඩි දුරටත් කියා සිටී.

2017 වසරේ නොවැම්බරයෙන් පසු ඇමෙරිකාව සෝමාලියාවේ අල් ෂෙබාබ් ත්‍රස්තවාදීන් ඉලක්ක කර ගනිමින් එල්ල කළ දරුණුතම ගුවන් ප්‍රහාරය මෙය යැයි ද පැවැසෙයි. ඇමෙරිකා හමුදාව, සෝමාලියාවේ ගුවන් ප්‍රහාර එල්ල කරන්නේ සෝමාලියා රජයේ සහ බුද්ධි අංශයේ අනුමැතිය පරිදිය.

(ඒ.එෆ්.පී.)