න්‍යෂ්ටික බලාගාරවලට පහර දෙන්න එපා
යුක්රේනයේ න්‍යෂ්ටික බලාගාර ඉලක්ක කර ගනිමින් පහර දීමෙන් වළකින්නැයි 'ජී7' රාජ්‍ය නායකයන් රුසියාවෙන් ඉල්ලීමක් කර තිබේ.
ඊට අමතරව, යුක්රේනය සමඟ ආරම්භ කළ යුද්ධය ද වහා නවත්වන්නැයි 'ජී7' කණ්ඩායමට අයත් රාජ්‍ය නායකයෝ රුසියන් ජනාධිපති ව්ලොදිමීර් පුටින්ගෙන් ඉල්ලා තිබේ.
'අප රුසියාවෙන් ඉල්ලා සිටිනවා, න්‍යෂ්ටික බලාගාර ආශ්‍රිතව යුද ගැටුම් වහා නවත්වන්න. එපමණක් නොවෙයි; යුක්රේනය සමඟ ආරම්භ කළ ගැටුම් නවත්වන්න' යැයි 'ජී7' නායකයන් නිකුත් කළ ඒකාබද්ධ නිවේදනයක සඳහන් වෙයි.
“සාමකාමී අරමුණක් ඇතිව, බලශක්ති අවශ්‍යා සපුරා ගැනීම වෙනුවෙන් පිහිටුවූ න්‍යෂ්ටික බලාගාරවලගට පහර දීම සහ ඒවා ආශ්‍රිතව අවි ගැටුම් සිදු කිරීම මනුෂ්‍ය වර්ගයාට තර්ජනයක්. යුරෝපාකරයට තර්ජනයක්. ජාත්‍යන්තර නීතියේ මූලධර්ම උල්ලංඝනය කිරීමක්. යුක්රේනයේ න්‍යෂ්ටික මධ්‍යස්ථානවල ආරක්ෂාව සහ ආරක්ෂාව සහතික කිරීම සඳහා යුක්රේනය සහ රුසියාව කටයුතු කළ යුතු වෙනවා" යැයි ජාත්‍යන්තර බලශක්ති ඒජන්තියේ ප්‍රධානියා පැහැදිලි කර තිබේ.
(රොයිටර්)
