ධවල මන්දිර කාර්යමණ්ඩල ප්‍රධානියාටත් කොරෝනා
ඇමෙරිකානු ජනාධිපති ඩොනල්ඩ් ට්‍රම්ප්ගේ කාර්යමණ්ඩල ප්‍රධානී මාර්ක් මෙඩොව්ස්ට නව කොරෝනා වයිරසය ආසාදනය වී ඇත.
ඔහුට අමතරව ඇමෙරිකා එක්සත් ජනපද ජනාධිපතිවරයාගේ කාර්යමණ්ඩලයේ තවත් සේවකයකුට නව කොරෝනා වයිරසය ආසාදනය වී ඇතැයි වාර්තා වේ.
ට්‍රම්ප් පරිපාලනයට සම්බන්ධ ජ්‍යෙෂ්ඨ නිලධාරීන් දෙදෙනකු ඒ බව තහවුරු කළේ යැයි ද ඇමෙරිකානු පුවත් සේවා වාර්තා කර තිබිණි.
මාර්ක් මෙඩෝව්ස් මීට දින කිහිපයකට පෙර ඇමෙරිකානු ජනාධිපති ඩොනල්ඩ් ට්‍රම්ප් සමඟ ධවල මන්දිරයේ පැවැති ඉසව්වකට සහභාගී වූ අතර එහි සිටි බොහෝ දෙනකු මුඛ ආවරණය පැලඳ සිටියේ නැත.
කෙසේ නමුත් ධවල මන්දිරය මේ සම්බන්ධයෙන් මේ වනතෙක් කිසිදු ප්‍රකාශයක් කර නොමැති අතර තමන්ට වයිරසය ආසාදනය වූ බවට මාර්ක් මෙඩෝව්ස් ද මෙතෙක් කිසිදු සඳහනක් කර නැත.
කෙසේ නමුත් ධවල මන්දිරයේ පිරිසකට ඔහු ඒ බව පවසා ඇතැයි ආරංචි මාර්ග සඳහන් කරයි.
ඒ.ඒෆ්.පී.
