බංග්ලාදේශයේ ඩකා අගනුවර, 'කොවිඩ් 19' හෙවත් නව කොරෝනා වයිරස ආසාදිතයන් රඳවා තැබෙන නිරෝධායන කඳවුරේ  හටගත් ගින්න සම්බන්ධයෙන් පොලිස් පරීක්ෂණ මේ වනවිට ආරම්භ වී ඇත.

පොලිස් පරීක්ෂණ පැවැත්වෙන්නේ ගිනි නිවන භටයන්ගේ ද සහාය ඇතිව යැයි පැවැසෙයි. එය කඩාකප්පල් ක්‍රියාවක් යැයි මූලික පරීක්ෂණවලින් අනාවරණය වී ඇතැයි ද පැවැසෙයි.

මෙම කඳවුර තාවකාලිකව ඉදිකළ එකකි. ගින්නට පස් දෙනෙක් බිලි වූහ. එම පස් දෙනා 'කොවිඩ් 19' ආසාදිතයන් බව ද තහවුරු විය. කඳවුර ඉදි කර තිබුණේ ගුල්ෂාන් පළාතේ 'යුනයිටඩ් හොස්පිටල්' රෝහල අසලය.

ඩකා නුවරදීය (රොයිටර්)