ට්‍රම්ප්ගේ බාල සොයුරු මියයයි
ඇමෙරිකා ජනාධිපති ඩොනල්ඩ් ට්‍රම්ප්ගේ බාල සොයුරු රොබට් ට්‍රම්ප් දිවියෙන් සමුගත්තේය. මියයනවිට ඔහුගේ වයස අවුරුදු 71 කි.
රොබට් ට්‍රම්ප් තම බාල සොයුරා පමණක් නොව, තමන්ගේ හොඳම මිතුරා යැයි ප්‍රකාශයක් කරමින් ට්‍රම්ප් පවසා තිබේ.
පසුගිය කාලය පුරාවට රොබට් රෝහල්ගතව සිටියේය. ඒ අයහපත් සෞඛ්‍ය තත්ත්වය හේතුවෙනි. රොබට් ඇතුළත් කර තිබුණේ නිව්යෝක් රෝහලකටය.
පසුගිය දින කීපයේ ඔහුගේ රෝගී තත්ත්වය උතන්න විය. එම අවස්ථාවේ ජනපති ට්‍රම්ප්, රොබට්ගේ සුවදුක් විමසීමට රෝහලට ගියේය.පසුව ට්‍රම්ප් කියා සිටියේ, තම බාල සොයුරා මරණ මංචකයේ සිටින බවය. රොබට් ට්‍රම්ප්ගේ රෝගී තත්ත්වය සම්බන්ධයෙන් මෙතෙක් මාධ්‍ය වෙත කිසිවක් වාර්තා වී නැත.
නිව්යෝක්හිදීය (රොයිටර්)
