චීනයේ ෂින්ජියැං පළාතේ උරුම්කී නගරයෙන් පමණක් නොව, උතුරු දෙසින් පිහිටි ලියොනිං පළාතෙන් ද ‘කොවිඩ් 19’ හෙවත් නව කොරෝනා වයිරස ආසාදිතයන් වාර්තා වීමට පටන්ගෙන ඇති බවත් ගත වුණු පැය 24 ඇතුළත නව ආසාදිතයන් 21 දෙනකු වාර්තා වූ බවත් චීන සෞඛ්‍ය බලධාරීහු පැවැසූහ.‍

හමුවුණු එම ආසාදිතයන් 24 දෙනාගෙන් 13 දෙනකු හමුවී ඇත්තේ ලියොනිං පළාතෙනි. ඒ අනුව, ලියොනිං පළාතේ එම ආසාදිතයන් වාර්තා වන ස්ථාන අගුලු දා (ලොක්ඩවුන්) කර ඇති බවත්, එම පළාත්වල සියලු දෙනා නිරෝධායනය කර, වෛද්‍ය පරීක්ෂණවලට යොමු කෙරෙන බවත් චීන සෞඛ්‍ය බලධාරීහු වැඩිදුරටත් කියා සිටිති.

(රොයිටර්)