ගුවන් ගමන් හිටිහැටියේ අඩපණ වෙයි
ගුවන් ගමන් පාලන පරිගණක පද්ධතියේ තාක්ෂණික දෝෂයක් හේතුවෙන්, ඇමෙරිකාව පුරා ගුවන් ගමන්වලට බාධා එල්ල විය. ඇමෙරිකාවේ ගුවන් ගමන් පාලනය සිදුවන්නේ ‘නෝටාම්’ නමැති පරිගණක පද්ධතියේ ආධාරයෙනි. තාක්ෂණික දෝෂය හටගත්තේ මෙම පද්ධතියේය.
තාක්ෂණික දෝෂය හේතුවෙන් අභ්‍යන්තර ගුවන්ගමන්වලට පමණක් නොව ජාත්‍යන්තර ගුවන්ගමන්වලට ද බාධා එල්ල විය. මගීන් දස දහස් ගණනකට ගුවන්තොටුපොළවල පැය ගණනක් රැඳී සිටීමට සිදුවිය.
ගුවන් ගමන් 5,400 ක් ප්‍රමාද කිරීමට මෙම තාක්ෂණික දෝෂය හේතුවක් වූ බව ඇමෙරිකන් ෆෙඩරල් ගුවන් ගමන් පාලන අධිකාරිය පසුව පැවැසීය.
කෙසේ නමුත් පැය කීපයක් යද්දී, දෝෂය නිවැරදි කිරීමට හැකිවිය. ඒ අනුව, ගුවන් ගමන් සාමාන්‍ය පරිදි ආරම්භ වූ බව ඇමෙරිකන් ෆෙඩරල් ගුවන් ගමන් පාලන අධිකාරිය ට්විටර් පණිවුඩයක් නිකුත් කරමින් කියා සිටියේය.
(රොයිටර්)
