කේරළ හින්දු කෝවිලේ ගින්න අටක් බිලිගනී
ඉන්දියාවේ කේරළ ප්‍රාන්තයේ කසරගොඩ පළාතේ, හින්දු කෝවිලක හටගත් ගින්නකින් අට දෙනෙක් ජීවිතක්ෂයට පත්වූහ. තුවාල ලැබූ ගණන 150 ක් යැයි මාධ්‍ය වාර්තා කර ඇත.
ගින්න හටගත්තේ ඊයේ (29) අලුයම් කාලයේ පූජාවක් පැවැත්වෙද්දීය. පිළිස්සුම් තුවාල ලබා රෝහල්ගත කළ කීප දෙනකුගේ තත්ත්වය බරපතල බවත්, මරණ තවත් ඉහළ යා හැකි බවත් පැවැසෙයි.
පිළිස්සුම් තුවාල ලැබූ පුද්ගලයන් 33 දෙනකු දිස්ත්‍රික් රෝහලටත්, 19 දෙනකු කන්හන්ගාඩ්හි අයිෂාල් රෝහලටත්, 12 දෙනෙකු අරිමල රෝහලටත් ඇතුළත් කෙරුණු බව ඉන්දීය මාධ්‍ය වාර්තා කර ඇත.
හින්දු කෝවිල අසල ගිනිකෙළි ගබඩාවකින් ගින්න හටගත් බවත් එය කෝවිලට පැතිර ආ බවත් මූලික පොලිස් පරීක්ෂණවලින් අනාවරණය වී ඇත.
(එන්.ඩී.ටීවී.)
