පැතිරෙන සරම්ප වසංගතය හේතුවෙන් සමෝවා දූපත ලොවෙන් හුදෙකලා කිරීමට ලෝක සෞඛ්‍ය සංවිධානය පියවර ගෙන ඇත. සමෝවා දූපතට යෑමෙන් වළකින්නැයි සංචාරකයන්ට දැනුම් දී ඇති අතර, සමෝවා වැසියන්ට දූපතෙන් පිටවීම ද තහනම් කර තිබේ.

සමෝවා බලධාරීන් දින දෙකක හදිසි තත්ත්වයක් ප්‍රකාශයට පත් කරමින් මාස 6 සිට අවුරුදු 60 දක්වා සැමට සරම්ප එන්නත් ලබා දීම සිදු කළ බව ද වාර්තා වේ. සරම්ප නිසා මියගිය ගණන 62 කි. මියගිය හැට දෙදෙනාගෙන් වැඩි දෙනා කුඩා දරුවන්ය. මේ වනවිට සැමෝවා පාසල් සහ කාර්යාල ආදී සියල්ල වසා දමා ඇතැයි ද පැවැසෙයි.

එන්නත් ලබා දීමේ ‘මහා මෙහෙයුමට’ සමෝවා සෞඛ්‍ය බලධාරීන්, වෛද්‍යවරුන් පමණක් නොව, ස්වේච්ඡා සහන සේවකයෝ ද සම්බන්ධ වී කටයුතු කළහ.  සමෝවා ප්‍රධාන දූපතට කුඩා දූපත් සම්බන්ධ අතර ඒවා අතර ගමන් බිමන් සිදුවන්නේ මගී පාරුවලිනි. එම මගී පාරු සේවා පවා මේ වනවිට අවලංගු කර ඇත.

අපියාහිදීය (ඒ.එෆ්.පී.)