බයිඩන්ට වඩා මිෂෙල් ඔබාමා හොඳයි
මෙම නොවැම්බර් 5 වැනිදා පැවැත්වෙ ඇමෙරිකන් ජනාධිපතිවරණයේ ඩිමොක්‍රටික් පක්ෂ අපේක්ෂකයා ලෙස වත්මන් ජනාධිපති ජෝ බයිඩන් ඉදිරිපත් වෙයි.
එසේ වුවත් ඩිමොක්‍රටික් පක්ෂයේ සියයට 80 කගේ අදහස වී ඇත්තේ බයිඩන්ට වඩා ප්‍රතිවාදී රිපබ්ලිකන් ප්‍රතිවාදියා වන හිටපු ජනාධිපති ඩොනල්ඩ් ට්‍රම්ප්ට අභියෝගයක් කිරීමට හිටපු ජනාධිපති බිරිඳ මිෂෙල් ඔබාමාට හැකිවනු ඇති බවය.
පසුගිය දා ට්‍රම්ප් සහ බයිඩන් අතරේ සජීවී රූපවාහිනී විවාදය පැවත්වුණු අතර ට්‍රම්ප් හමුවේ බයිඩන් අසරණ විය. ඒ, බයිඩන්ගේ වයස සහ දුර්වලතා නිසාය. බයිඩන් 81 හැවිරිදි වියෙහි පසුවන අතර, ඇමෙරිකාවේ ජනාධිපති ධුරයට පත්වුණු වයස්ගතම තැනැත්තා බයිඩන්ය.
විවාදයේ දී 78 හැවිරිදි ට්‍රම්ප්ට වැඩි වාසි අත්වූයේ බයිඩන්ට ක්ෂණිකව සහ පැහැදිලිව අදහස් දැක්වීම කළ නොහැකි බැවිනි. බයිඩන්ගේ බිරිඳ ජිල්, විවාදය අවසන් වූ පසු ඔහු ළඟට පැමිණ ඔහු සැනැසූ අයුරු ද සජීවීව දකින්න ලැබුණි.
ඩිමොක්‍රටික් පක්ෂයේ ප්‍රබලයන් බොහෝ දෙනකුගේ විශ්වාසය ඒම පක්ෂයෙන් ඔබාමා බිරිඳ මිෂෙල් ඔබාමා ජනාධිපති ධුරයට තරග කළොත් ඇයට නිසැක වශයෙන්ම ජයග්‍රහණය කළ හැකි බවය.
එසේ වුවහොත් ඇමෙරිකා ජනාධිපති ධුරයට පත්වන පළමු කාන්තාව ඇය වෙයි. එපමණක් නොව, පළමු කළු ජාතික තාන්තාව වනු ඇත්තේ ද ඇයයි.
