පොඞ්ඩන්ගේ සුවදුක් බලන්න ෂාරුක් රෝහලේ
ඩුබායි සංචාරක ප්‍රවර්ධන වීඩියෝවක රූගත කිරීම්වල නියැළෙන බොලිවුඞ් සුපිරි නළු ෂාරුක් ඛාන් සහ සිනමාකරු කබීර් ඛාන් හදිසියේ ‘අල් ජලීලා’ ළමා රෝහලට ගොඩ වැදුණේ කවුරුත් පුදුමයට පත් කරමින්ය.
රෝහලේ ප්‍රතිකාර ලබන කුඩා දරුවන්ගේ සුවදුක් විමසමින්, රෝහලේ වෛද්‍යවරුන් ද ඇතුළු රෝහල් කාර්ය මණ්ඩලය හමු වී කතාබහ කිරීමට ද ෂාරුක් අමතක නොකළේය.
රෝහලේ සිටි පොඩිත්තන් ෂාරුක් වට කර ගනිමින් සෙලෆ් ඡායාරූප ලබා ගත් බව ද වාර්තා වේ. ෂාරුක් ඛාන් නිකම්ම නිකම් නළුවකු නොව, හොඳ හදවතක් ඇති සුපිරි නළුවකු යැයි රෝහලේ සිටි බොහෝ දෙනා කසුකුසු ගාන්න වූ බව ද ඩුබායි පුවත් සේවා වාර්තා කර තිබේ.
(එන්.ඩී.ටීවී.)
