ඩුප්ලිකේට් කෝලිගේ විකාර වැඩ
ඉන්දියාවේ ඉන්ඩොර්හි පසුගියදා අවසන්වූ නවසීලන්ත – ඉන්දීය ටෙස්ට් ක්‍රිකට් තරගය අතරතුර ඉන්දීය කණ්ඩායමේ නායක ,සුපිරි පිතිකරු විරාට් කෝලිට සමාන හැඩහුරුකම් ඇති පුද්ගලයෙකු නිසා මේ වනවිට ඉන්දීය ක්‍රිකට්ලොලීන් අතර දැඩි නොසන්සුන්කාරීත්වයක් ඇති වෙලා.
ප්‍රින්ස් නමින් හඳුන්වන මෙම පකිස්තානු ජාතිකයා ක්‍රීඩා පිටියේ එම තරගය පැවැත්වෙන අතර වාරයේදී ප්‍රේක්ෂකාගාරයේ සැරිසරමින්.සිටියා. බොහෝ අය මේ විරාට් කෝලි යයි සිතා සමරු සටහන් ලබාගනිමින් සෙල්ෆි ලබාගනිමින් සිටියදී එක්වරම රූපවාහිනී තිරයේ ඔහුව ඉලක්ක කර සමීප රූපයක් පෙන්වූවා. එම අවස්ථාවේ පිටියේ ඇත්ත විරාට් කෝලිද සිටි නිසා සියලුම ප්‍රේක්ෂකයින්ට මෙම පුද්ගලයා වෙනත් අයෙකු බව අවබෝධ වුණා.
නමුත් ඉන් ටිකකට පසු ප්‍රින්ස් සියැසින් දැක ගැනීමේ ආශාවෙන් උමතුවූ ඉන්දීය ප්‍රේක්ෂකයන් ඔහු සිටි තැන සොයමින් ප්‍රේක්ෂකාගාරයේ කලබල කළ නිසා තරග පරිපාලකයින් ආරක්ෂකයන්ට දන්වා ඔහුව ප්‍රේක්ෂකාගාරයෙන් ඉවතට යවන්නටද සිදු විය.
විරාට් කෝලිගේ ඩුප්ලිකේට් චරිතය ලෙස අන්තර්ජාලයේද ප්‍රකටව සිටින ප්‍රින්ස් මින් පෙර අවස්ථා කිහිපයකදීම මේ ආකාරයේ විකාර වැඩ කර තිබේ.
( තිළිණි ද සිල්වා )
නිව් ඉන්දියන් එක්ස්ප්‍රස් වෙබ් අඩවිය ඇසුරෙනි...
