මේඝ සූරියආරච්චි අවසන් 10 ට
11 වන Mr World තරගය වියට්නාමයේ පැවැත්වුනේ රටවල් 60ක නියෝජිතයන්ගේ සහභාගිත්වයෙනි. එහිදී ශ්‍රී ලංකාව නියෝජනය කළ මේඝ සූරියආරච්චි ට අවසන් 10 අතරට පිවිසීමට හැකියාව ලැබිණි.
ඒ People’s Choice අංශය ජය ගැනීමෙනි. මීට අමතරව ඔහු Best National Costume People’s Choice තරග වටයද ජය ගත්තේය.
1998 වසරේ සිට Mr World කිරුළ වෙනුවෙන් තරග කල ශ්‍රී ලංකාව මේ දක්වා ලැබූ පළමු ජයග්‍රහණය වන්නේද මෙයයි. ඒ අනූව Mr World අවසන් වටය නියෝජනය කළ පළමු ශ්‍රී ලාංකිකයා වන්නේ ද මේඝ ය.
කොළඹ ඩී. එස්. සේනානයක විදුහලේ හා කැලණිය විශ්ව විද්‍යාලයේ අධ්‍යාපනය හැදෑරු ඔහු නළුවෙක් හා සිනමා අධ්‍යක්ෂකවරයෙක් ද වේ.
මන්දාරා සිනමා පටයේ ප්‍රධාන නළුවා ලෙස එක් වන්නේද ඔහුය. දේවි කුසුමාසන, කලර් පෙන්සිල්, සූරිය සුළග ඔහුගේ තිරගත වීමට නියමිත සිනමාපට කිහිපයකි.
” Marine Drive ” සිනමාපටයේ නිර්මාණකරුවා වන්නේද මේඝයි.
