90 දශකයේ අතිශය ජනප්‍රිය ‘ෆ්‍රෙන්ඩ්ස්’ ප්‍රහසන ටෙලි කතා මාලාව හරහා ලොව පුරා ජනප්‍රිය වූ හොලිවුඩ් රංගන ශිල්පී මැතිව් පෙරී දිවි ගමනට සමු දුන්නේය. මියයනවිට ඔහුගේ වයස අවුරුදු 54 කි.

ලොස් ඇන්ජලීස් නුවර සිය නිවසේ නාන තටාකයෙන් මැතිව් පෙරීගේ සිහිසුන් සිරුර හමුවී ඇති බවත්, රෝහල්ගත කරන විටත් ඔහු මියගොස් සිටි බවත් පොලිසිය පවසයි. මැතිව් පෙරී, කලක් මත්ද්‍රව්‍ය භාවිතයට යොමු වී සිටි අයකු ලෙස ද සැලකෙයි.

‘ෆ්‍රෙන්ඩ්ස්’ ප්‍රහසන ටෙලි කතා මාලාව 1994 වසරේ සිට 2004 තෙක් තිරගත විය. ‘ෆ්‍රෙන්ඩ්ස්’ කතා මාලාවේ සාර්ථකත්වයෙන් පසු මැතිව් පෙරී හොලිවුඩ් චිත්‍රපට කීපයකට ද රංගනයෙන් එක් විය.

(එන්.ඩී.ටීවී.)