බාස්කට් බෝල් සුපිරි ක්‍රීඩකයා මියයයි
කොබේ සහ දියණිය ජියානා
ඇමෙරිකන් සුපිරි පැසි පන්දු ක්‍රීඩක කොබේ බ්‍රයන්ට්, හෙලිකොප්ටර් අනතුරකින් ජීවිතක්ෂයට පත් විය. අනතුර සිදුවූයේ කැලිෆෝනියා ජනපදයේ, කලබසාස් නගරයට නුදුරිනි.
කොබේ බ්‍රයන් ගමන් කරමින් සිටියේ පෞද්ගලික හෙලිකොප්ටර් යානයකිනි. එහි කොබේ සමඟ තවත් 9 දෙනෙක් සිටියහ.
එයින් එක් අයකු කොබේගේ දියණියකි. කොබේට දියණියන් සිවු දෙනෙකි. අනතුරින් මියගියේ 13 හැවිරිදි දියණිය ජියානා ය.
41 ක් හැවිරිදි කොබේ, ඇමෙරිකන් පැසි පන්දු ක්‍රීඩාවේ අති දක්ෂතම ක්‍රීඩකයකු ලෙස සැලකෙයි.
ඔහුගේ හදිසි වියෝව ඇමෙරිකන් පැසි පන්දු ලෝලීන්ට විශාල කම්පනයක් වුණු බව ද වාර්තා වේ.
හෙලිකොප්ටර් අනතුර සම්බන්ධයෙන් පුළුල් පරීක්ෂණයක් පැවැත්වෙන බව ද පැවැසෙයි.
හෙලිකොප්ටරයේ සිටි පිරිස අතර බේස්බෝල් පුහුණුකරු ජෝන් ඇල්ටෝබේලී සහ ඔහුගේ බිරිඳ සහ දියණිය ද ජීවිතක්ෂයට පත් වූහ. ඊට අමතරව කාන්තා පැසි පන්දු පුහුණුකාරියක වන ක්‍රිස්ටිනා මෙසෝර් ද අනතුර සිදුවෙද්දී හෙලිකොප්ටරයේ සිට ඇත.
(ඩේලිමේල් ඇසුරිනි)
