ඇමෙරිකාවේ ‘පීපල්ස් චොයිස්’ සිනමා සහ රූපවාහිනී සම්මාන උලෙළ 43 වැනි වරට ලොස් ඇන්ජලීස් නුවර  පැවැත්වුණු අතර හොඳම රූපවාහිනී නිළියට හිමි සම්මානය බොලිවුඞ් සුරූපිනී ප්‍රියංකා චොප්රාට හිමවිය.

ප්‍රියංකාට එම සම්මානය හිමිවූයේ ‘කොන්ටිකෝ’ නමැති රූපවාහිනී මාලා වැඩසටහනයේ ඇගේ රංගනය හේතුවෙනි.
 
34 හැවිරිදි ප්‍රියංකා චොප්රා ඇමෙරිකාව ඇතුළු බටහිර රටවල අතිශයින් ජනප්‍රිය වී සිටින්නේ ද මෙම ‘කොන්ටිකෝ’ රූපවාහිනී කතාමාලාව හරහාය. ‘කොන්ටිකෝ’ කතා මාලාවේ ඇය චරිත නිරූපණය කරන්නේ එෆ්.බී.අයි. සහ සී.අයි.ඒ. පරීක්ෂක ඇලෙක්ස් පැරිෂ්ගේ චරිතයයි. 

(රොයිටර්)