තනිකම මකන්න එලයිසා
තනිකඩ පිරිමින්ගේ තනිකම මකන රොබෝ කෙල්ලක ගැනයි මේ. මේ රොබෝ කෙල්ලගේ නම එලයිසා. සරාගී පෙනුමක් ලබා දී නිර්මාණය කර ඇති මෙම රොබෝවරිය, කෘත්‍රිම බුද්ධියකින් ද සමන්විත වන අතර, ඇයට ඇය හා සම්බන්ධ වෙන, දොඩමළු වෙන ඕනෑම පිරිමියකුගේ සිත සොරාගෙන ඊට අනුගත වී ක්‍රියා කිරීමට හැකියාව ඇතැයි පැවැසෙයි.
ලෝකයේ තනිකඩ පිරිමින් වෙනුවෙන් තමන් මෙම කෘත්‍රිම බුද්ධි රොබෝ හඳුන්වා දෙන බව ඇමෙරිකාවේ කැලිෆෝනියාවේ පිහිටි එලයිසා පර්යේෂණ ආයතනය පවසයි.
කෘත්‍රිම බුද්ධි රොබෝවන් නිර්මාණය කිරීමේ ලොව ප්‍රමුඛත තාක්ෂණික ආයතනයක් ලෙස එලයිසා පර්යේෂණ ආයතනය සැලකෙයි.
මෙම කෘත්‍රිම බුද්ධි රොබෝවරිය එලයිසා හඳුන්වා දීම සිදුවූයේ පසුගියවසර අවසානයේය. ඒ අනුව, අතමිටසරු තනිකඩ පිරිමින් බොහෝ දෙනකු මේ වනවිට එලයිසා රොබෝ කෙල්ලක ඇණවුම් කර ඇතකැයි ද පැවැසෙයි. එලයිසා රොබෝ කෙල්ලකගේ වටිනාකම ඇමෙරිකන් ඩොලර් 420,000 කි.
