ඊලොන් මස්ක්ට ට්‍රම්ප් නව රජයේ තනතුරක්
තමන්ගේ නව කැබිනට් මණ්ඩලයේ, කාර්යක්ෂමතා දෙපාර්තමේන්තුවේ ප්‍රධානියා ලෙස බිලියනපති ව්‍යාපාරික ඊලොන් මස්ක් පත් කරන බව ඇමෙරිකා ජනාධිපති ලෙස තේරී පත් වී සිටින ඩොනල්ඩ් ට්‍රම්ප් පවසයි.
යළිත් වරක් ඇමෙරිකන් ජනාධිපති ධුරයට පත් වූ ට්‍රම්ප්ගේ ජයග්‍රහණයේ සාධකය වන්නේ ‘ටෙස්ලා’, ‘ස්පේස් එක්ස්’ යන සමාගම්වල ප්‍රධානියා ද වන ඊලොන් මස්ක්ය.
ට්‍රම්ප්ට ලබා දෙන බව තහවුරු කරමින්, ඊලොන් මස්ක් පෙන්සිල්වේනියා ජනපදයේ, බට්ලර් නුවර ට්‍රම්ප්ගේ දේශපාලන වේදිකාවට ගොඩවූයේ පසුගිය ඔක්තෝබර් මාසයේය.
ට්‍රම්ප් නියෝජනය කරන්නේ රිපබ්ලිකන් පක්ෂයයි. රිපබ්ලිකන් පක්ෂයට ලියාපදිංචි වී, ට්‍රම්ප්ට ඡන්දය දීමට කැමැත්තෙන් පසුවන ඡන්ද දායකයන් අතරින් දිනකට එක් ඡන්ද දායකයකු තෝරාගෙන එම තැනැත්තාට හෝ තැනැත්තියට ඇමෙරිකන් ඩොලර් මිලියනයක මුදල් තෑග්ගක් පිරිනැමීමට ඊලොන් මස්ක් පියවර ගත්තේය.
ට්‍රම්ප් ජනරැලි පවත්වමින් රට පුරා යද්දී, ඊලොන් මස්ක් ද ට්‍රම්ප්ට සහාය දෙන්නැයි ඇමෙරිකානුවන් ආමන්ත්‍රණය කරමින් රට පුරා දේශන පවත්වන්න විය. දිනකට එක් ජයග්‍රාහකයකු බැගින් තෝරා ඇමෙරිකන් ඩොලර් මිලියනයක මුදලක් තෑගි කළේ එම දේශන පැවැත්වෙද්දීය.
