ඔයාට හිතෙනවා නම් ඔයා රැකියාව කරන තැනින් ඔයාට වටිනාකමක් ලැබෙන්නේ නෑ කියලා. දිගින් දිගටම එතැන ඉන්න එකෙන් ඔබ ඔබේම වටිනාකම හිමින් හිමින් අඩු කරගැනීමකුයි සිද්ධ වෙන්නේ.  මෙහෙම හිතන්නකෝ කෙනෙක් ඉන්න පුළුවන් ගොඩක් කැපවීමෙන් රැකියාවට මුල් තැන දීලා වැඩ කටයුතු කරන, හැමදේටම වඩා රැකියාව අංක එක කරගත්තු, බාරදෙන ඕනම වැඩක් නෑ බෑ නොකියා කරන. හැබැයි ආයතනය ඒ සේවකයාගේ වටිනාකම තේරුම් ගන්නේ නැත්තන් , කිසිම දිරි දීමනාවක්, ප්‍රමෝශන් එකක් දෙන්නේ නැත්තන්, ඔයා ඔයාගේ වටිනාකම තේරුම්ගෙන තමන්ට වටිනාකමක් දෙන තැනකට යන එකක් හොඳම දේ.

 

ඔයා තමන්ගේ බෝයිෆ්‍රෙන්ඩ්ට / ගර්ල්ෆ්‍රෙන්ඩ්ට කොච්චර ආදරේ කරත් ඒ කෙනාට ඒකේ වටිනාකමක් නැත්තන්, ඔයා තව දුරටත් ඒ රිලේශන් ශිප් එකේ ඉන්න එකෙන් වෙන්නේ ඒ කෙනාට තව තවත් ඔයාව එපා වෙන එකයි. තමන්ගේ වටිනාකම් තේරුම් නොගෙන නිතරම වෙන අය තමන් ඉස්සරහා වර්ණනා කරනවා නම්, තමන්ව පහත්කොට කතා කරනවා නම් , තමන්ට කිසිම ගෞරවයක් දෙන්නේ නැත්තන් දෙපාරක් නොහිතා අයින් වෙන්න.

 

යාලුවෝ කල්ලියක් අතරෙන් ඔයාව කොන් කරනවා නම්, ඔයාව ගණන් ගන්නේ නැත්තන්, විහිළු තහළු වෙනුවට තමන්ට අපහාස , අගෞරව කරනවා නම් ඔයාට ඒ යාලුවෝ කොච්චර ඕන වුනත් වැඩක් නෑ පුළුවන් ඉක්මනින් ඒ අයගෙන් ඈත් වෙන්න. මොකද කාලාන්තරයක් තිස්සේ ඔයා ඒවා ඉවසගෙන , දරාගෙන හිටියොත් දවසක ඔයාටත් ඔයාගේ වටිනාකම අමතක වෙලා යයි.

 

හොඳට මතක තියාගන්න. ඔයා ඔයාට වටිනාකමක් නොදෙන තාක්කල් අනිත් මිනිස්සුන්ගෙන් ඔයාට වටිනාකමක් ලැබෙන්නේ නෑ.

 

"ඔයා"  කියන පුද්ගලයා තමයි ඔයාට මේ ලෝකේ ඉන්න වටිනම පුද්ගලයා.