ඔන්න එකමත් එක දවසක එක මනුස්සයෙක් වඳුරෙක්ට ලොකූ ආනමාලු කෙසෙල් ගෙඩියකුයි සල්ලි මිටියකුයි දීලා කිව්වා කැමති එකක් තෝරගන්න කියලා. වඳුරා පැනපු ගමන් අතට ගත්තේ ආනමාලු ගෙඩිය. මොකද ඌ දන්නේ නෑ සල්ලි මිටියෙන් ආනමාලු ගෙඩි ගොඩක් ගන්න පුළුවන් කියලා. 

 

ඒ වගේම අපේ ජීවිතෙත් තෝරගන්න කිව්වොත් හොඳ රස්සාවක් කරනවද එහෙමත් නැත්තන් හොඳ පඩියක් එක්ක ජොබ් එකක් කරනවද කියලා අපි කියපු සැනින් තෝර ගන්නේ හොඳ පඩියක් එක්ක ජොබ් එකක් කියන එක. මොකද අපි දන්නේ නෑ ව්‍යාපාරයක් කරාම අර ගන්න පඩිය වගේ ලොකු ප්‍රමාණයක් අපිට ගන්න පුළුවන් කියලා. 

 

මේ කතාවත් එක්ක කල්පනා කරලා බැලුවම අපිත් වඳුරෝ වගේ නේද. අපි පොඩි කාලේ ඉදන් අපේ ගුරුවරු , අපේ දෙමාපියන් අපිට කියන්නේ හොඳට ඉගෙනගෙන හොඳ රස්සාවක් කරන්න කියලා. පොඩි කාලේ ඉදන් අපේ ඔලුවේ වැඩ කරන්නේ හොඳට ඉගෙන ගෙන හොඳ රස්සාවක් කරන එකයි. ඔබ යම්කිසි ආයතනයක් යටතේ රැකියාවක් කරන් යනවා නම් ඒ ආයතනයෙන් ඔබට පඩි ගෙවන්නේ ජීවත් වෙන්න. කන්න, අඳින්න, ගමන් වියදම් සහ ජීවන වියදම් වලට ප්‍රමාණවත් වීමට තරම් මිස ඔබේ සිහින සැබෑ කරගන්න නෙමෙයි. රට රටවල සංචාරය කරන්න, කැමති කැමති වාහන ගන්න, ආස විදිහට ගෙවල් දොරවල් හදාගන්න වගේ හීන සැබෑ කරගන්න ඇත්තටම බොහොම අපහසුයි. 

 

මේ කතාව අන්තර්ජාලයේ සැරිසරණය වූ එක්තරා වීඩියෝ එකකින් සොයාගත්තත් මේ කතාව මුලින්ම සමාජගත කරේ චීනයේ ජැක් මා විසින් . 

 

ඉතින් ඇත්තටම හිතෙන්නේ නැද්ද අපිත් වඳුරෝ වගේ කියලා.