කොළඹ වරායට ආ දැවැන්තයා
අති සුඛෝපභෝගී මගී ප්‍රවාහන නෞකාවක් වන "මේන් චිෆ් 5" මගීන් 2014 ක් සහ කාර්යමණ්ඩලය 922 ක් රැගෙන අද (29) උදෑසන 6.30 ට කොළඹ වරායේ නැගෙනහිර බහාලුම් පර්යන්තය වෙත සේන්දු වූ බව හාබර් මාස්ටර් නිර්මාල් සිල්වා මහතා පැවසුවේය.
2016 වසරේ නිපදවා ඇති නෞකාව දිගින් මීටර 295 වන අතර මගීන් 2500 කට පහසුකම් සැපයිය හැක.
"මේන් චිෆ් 5" නෞකාව අද රාත්‍රියේ හම්බන්තොට වරාය බලා පිටත් වන බව නිර්මාල් සිල්වා මහතා ප්‍රකාශ කළේය.
"මේන් චිෆ් 5" හෙට (30) හම්බන්තොට වරායෙන් නැවත වරක් ශ්‍රී ලංකාවෙන් පිටත් වීමට ගමන් ආරම්භ කරනු ඇතැයි අපේක්ෂා කෙරේ.
"මේන් චිෆ් 5" අති සුඛෝපභෝගී මගී ප්‍රවාහන නෞකාව ශ්‍රී ලංකාවට පැමිණෙන ප්‍රථම අවස්ථාව මෙය වේ.
නෞකාවේ විශාලත්වය හේතුවෙන් මගී පර්යන්තයට පැමිණිය නොහැකි වීම හේතුවෙන් නැගෙනහිර බහාලුම් පර්යන්තය වෙත පැමිණෙන බව හරින් ප්‍රනාන්දු මහතා ප්‍රකාශ කළේය.
