හාවා සහ ඉබ්බාගේ තරගය ඒසොප්ගේ උපමා කතාවකි. ‘හදිස්සිකාරයාට දිනන්න බෑ’, ‘කලබලයක් නැති හෙමින් ගමනින් ජය අත්වේවි’ යන ආදර්ශය ලොකු කුඩා කාටත් ලබා දෙන උපමා කතාවක් ලෙස මෙය හඳුන්වා දීමට පුළුවනි.
පසුගිය ඔක්තෝබර් 10 වැනිදා යළිත් වරක් හාවකු සහ ඉබ්බකු අතරේ තරගයක් පැවැත් වුණු අතර එම තරගයෙන් ද ජයග්‍රහණය කළේ සෙමින් ගමන් ගිය ඉබ්බාය.
 තරගය ආරම්භයේ දී හාවා වේගයෙන් ඉදිරියට ඇදුනත්, බොහෝ නරඹන්නන් පිරිසක් සිටි නිසාත් ඔවුන්ගේ ඔල්වරසන් හඬ නිසාත් ඌ තැති ගැනීමකට ලක් විය.
එහෙයින්, තරගය අඩක් නිමා වෙද්දී වික්ෂිප්ත වුණු හාවා ගල් ගැසුණා සේ නතර වෙද්දී, සෙමින් ගමන් කළ ඉබ්බා තරගය අවසන් කළේය.

(මේල් ඔන්ලයින් ඇසුරිනි)