‘ගී නෙත් සත්සර වින්දන‘ මෙම 18දා ඩුබායිහිදී
සුමේධ, චන්දන, ලලිත්, චූලරත්න, සමග ඔබ හඳුනන ප්‍රසන්න දෙනෙතින් ලොව සුන්දරත්වය දකින්නට වරම් නොලත් සහජ කුසලතා වලින් පිරිපුන් අතිදක්ෂ සංගීත කණ්ඩායමකි. ඔවුහු අප මව්බිමේ විවිධ දුෂ්කර පෙදෙස් නියෝජනය කරති. ඔවුන්ගේ විශේෂත්වය වන්නේ ඔවුන් සියලුදෙනාම වාදනයට මෙන්ම ගායනයටද දක්ෂ ශිල්පීන් වීමයි. ඉන් එක් අයෙකු මව්බිම වෙනුවෙන් යුද බිමෙහිදී තම දෙනෙත් පුද කළ රණවිරුවෙකි. කණ්ඩායම් නායක ප්‍රසන්න වික්‍රමසිංහ ඇතුළු මෙම සංධ්වනිය තමන්ට හැකි අයුරින් අන් අයට අත නොපා ස්වකීය හැකියාවන්ගෙන් තම ජීවිකාව මෙහෙය වීම අපට වැදගත් ආදර්ශයකි.
සප්තස්වර තම ඇඟිලිතුඩින් නතුකර මධුර හඩින් විස්කම් පාන " VISION " සංධ්වනිය අප සවන්පත් සිසාරා හදවතෙහි ලැගුම් ගන්නේ, ඔවුනට මහනුවර ලැගුම් ගැනීමට කලක් සිට වෑයම් කරන ප්‍රයත්නයෙහි තවත් එක් බලාපොරොත්තුවක් ලෙසිනි. දැනට වැඩනිමවෙමින් පවතින මෙම කලායතනයේ කටයුතු සහ සුබසාධක සැලසුම් සඳහා ඔබ මින්පෙර දැක්වූ මහඟු ත්‍යාගශීලීබව සහ සහය අප ස්තුතිපුර්වකව අගය කරන අතර " VISION " සංගීත කණ්ඩායමේ ඉදිරි සුබසාධක කටයුතු කරගෙන යාම සඳහා අවශ්‍ය කරන මූල්‍යමය ස්ථාවරය ශක්තිමත් කරවනු පිණිස සංවිධානය කෙරෙන " ගී නෙත් සත්සර වින්දනය " සංගීත ප්‍රසංගය වර්ෂ 2016, නොවැම්බර මස 18 වෙනි දින ඩුබායිහි රශීඩ් රෝහල් පුස්තකාල ශ්‍රවණාගාරයේදී පැවැත්වීමට නියමිතය.
එදින සුප්‍රසිද්ධ ගායක කීර්ති පැස්කුවෙල්, ඇනස්ලි මාලේවන සහ ගායිකා ලක්මිණි උඩවත්ත සමගින් " VISION " සංගීත කණ්ඩායම ඔබ සැම රසගන්වයි. ඉතා සුළු මුදලක් වැයකර ප්‍රවේශ පතක් මිලදීගෙන මෙම මහඟු කර්ත්‍යවයට දායකවන මෙන් එක්සත් අරාබි එමීරයේ ජීවත්වන සියලුම ශ්‍රීලාංකික සංගීත රසිකයන්ගෙන් කරුණාවෙන් ඉල්ලා සිටිමු.
Contact Us
Shantha - 050 55 90 852 Chaminda - 055 859 10 39 Gavin - 056 188 33 65 Dilan - 055 21 99 389 Tharaka - 050 440 35 41 Subash - 050 451 46 71
ඩිලාන් ඩි සිල්වා විසිනි
