ඔන්න මේකත් සිද්ධ උනේ ආයතනයක් ළඟ තියෙන ප්‍රසිද්ධ කෑම කඩයක් ළඟ.මේ කඩේ අයිතිකාරයාගේ නම සුමතිපාල. කවුරුත් මෙයාට ආදරේට කතා කළේ සුමති කියලා. අහල පහල ඔෆිස් හැම එකේම කෑම ගන්න ආවේ සුමතිගේ කඩේට. උදේට දවල්ට රෑට කියලා වෙනසක් නැහැ , නිතරම සුමතිගේ කඩේ සෙනග පිරිලා හිටියා. එන්න එන්නම කඩේට කෑම ගන්න එන කට්ටිය වැඩි නිසාම සුමති ලස්සනට පිළිවෙලට ඉන්න අමතක කරේ නෑ. කඩේට කෑම ගන්න මිනිස්සු එනකොට කැෂියර් එකේ පුටුවේ සුමති වාඩිවෙලා හැමෝමත් එක්ක හිනා මුසුව හිටියා. සුමති යටතේ සේවය කරන ගෝලයෝ තුන්දෙනෙකුත් හිටියා. දවල් වෙලාවට ඉතින් හරි බිසී කට්ටිය කෑම ඉල්ලන්න ආවම සුමතිය වැඩේ කුස්සියට ඇහෙන්න ඕඩර් එක කෑගහලා කියන එක. රයිස් ඇන්ඩ් කරි වලට මේ කඩේ හරිම ප්‍රසිද්ධයි.