බංග්ලාදේශයේ ගින්නක්: 43 ක් මරුට: 40 ක් රෝහලේ
බංග්ලාදේශයේ ඩකා අගනුවර, සත් මහල් ගොඩනැගිල්ලක හටගත් ගින්නකින් 43 දෙනෙක් ජීවිතක්ෂයට පත්වූහ. තවත් 40 දෙනකු පමණ දුම් ආඝ්‍රාණ වීමෙන් සහ පිළිස්සුම් තුවාල ලබා රෝහල්ගත කෙරුණි.
පිළිස්සුම් තුවාල ලබා රෝහල්ගත කළ කීප දෙනකුගේ තත්ත්වය බරපතල බවත්, මරණ සංඛ්‍යාව ඉහළ යා හැකි බවත් ඩකා ශික්ෂණ රෝහලේ වෛද්‍යවරු පවසති. තුවාලකරුවන් ඇතුළත් කළේ මෙම රෝහලටය.
ගින්න හටගත්තේ, ‘බේලි රෝඞ්’ නමැති සත් මහල් ගොඩනැගිල්ලේය. මෙහි බහුලව ඇත්තේ රෙදි පිළි අලෙවිසැල් සහ ජංගම දුරකතන අලෙවිසැල් වන අතර, ගොඩනැගිල්ලේ ඇති එකම බුරියානි අවන්හල බංග්ලාදේශ වැසියන් අතරේ අතිශය ජනප්‍රියය.
ගිනි නිවන හමුදාව පවසන ආකාරයට ගින්න හටගෙන ඇත්තේ මෙම අවන්හලෙනි. ගින්නට හේතුව මෙතෙක් අනාවරණය වී ඇත. ගින්න හටගත්තේ ඊයේ (29) රාත්‍රී 10 ට පමණය.
ගින්න ඉහළ මහලවලට පැතිරෙද්දී, බොහෝ දෙනකු ගොඩනැගිල්ල මුදුණේ කොටුවුණු අතර එම පිරිස් බේරා ගැනීමට ගිනි නිවන භටයන්ට මහත් පරිශ්‍රමයක් දැරීමට සිදුවිය.
(ඒ.එෆ්.පී.)
