පෙනහලු ආසාදනයක්, නිව්මෝනියා තත්ත්වයක් සහ ස්වසන අපහසුතා හේතුවෙන්, රෝහල්ගතව ප්‍රතිකාර ලබන ශුද්ධෝත්තම ෆ්‍රැන්සිස් පාප්තුමන්ගේ වකුගඩුවල ක්‍රියාකාරීත්වය යම්තාක් දුරකට අඩු වී ඇතැයි වෛද්‍යවරු පවසති.

වෛද්‍යවරුන් මෙසේ පැවැසුවේ, 88 හැවිරිදි පාප්තුමන්ගේ රුධිර පරීක්ෂණ වාර්තා අධ්‍යයනය කිරීමෙනි. පාප්තුමන් ස්වසන ආබාධ හේතුවෙන් රෝමයේ ගෙමෙලි රෝහලට ඇතුළත් කෙරුණේ පසුගිය 14 වැනිදාය.

වෛද්‍යවරුන් උපුටා දක්වමින්, වතිකානය දිගින් දිගටම පවසා ඇත්තේ, පාප්තුමන්ගේ තත්ත්වය බරපතල බවය. මේවනවිට පාප්තුමන් වෙනුවෙන් යාඥා මෙහෙය රැසක් ලොව පුරා පැවැත්වෙයි.

 (එන්.ඩී.ටීවී.)