පාලක ලිබරල් ඩිමොක්‍රටික් පක්ෂයේ නායකත්වයෙන් මෙන්ම අග්‍රාමාත්‍ය ධුරයෙන් ද තමන් ඉවත් වීමට තීරණය කළ බව ජපන් අග්‍රාමාත්‍ය ෆුමියෝ කිෂිඩා ටෝකියෝ අගනුවර දී විශේෂ මාධ්‍ය හමුවක් කැඳවමින් පැවැසීය.

පාලක ලිබරල් ඩිමොක්‍රටික් පක්ෂය නව පක්ෂ නායකයකු තෝරා ගැනීමට එලැඹෙන සැප්තැම්බරයේ ඡන්දයක් පැවැත්වීමට නියමිත අතර, යළි පක්ෂ නායකත්වය තමන් අපේක්ෂා නොකරන බව අග්‍රාමාත්‍ය කිෂිඩා පැහැදිලි කර තිබේ.

තමන් පක්ෂ නායකත්වයෙන් සහ අග්‍රාමාත්‍ය දුරයෙන් ඉවත් වුවත්, පක්ෂයටත් පක්ෂයේ නව නායකයාටත් පූර්ණ සහාය ලබා දෙන බව අග්‍රාමාත්‍ය කිෂිඩා එම මාධ්‍ය හමුවේ දී පැහැදිලි කළේය.

67 හැවිරිදි කිෂිඩා ජපන් අග්‍රාමාත්‍ය ධුරය හොබවන්නේ ලිබරල් ඩිමොක්‍රටික් පක්ෂයේ නායකත්වය හොබවන්නේත් 2021 වසරේ සිටය. 2012 සිට 2017 තෙක් කාලයේ ජපනි විදේශ අමාත්‍යවරයා ලෙස කටයුතු කළේ ද කිෂිඩාය. 2017 දී කිෂිඩා ජපාන ආරක්ෂක අමාත්‍ය ධුරය ද හෙබවීය.