කේරළයේ බෝම්බ පිපිරේ
ඉන්දියාවේ කේරළ ප්‍රාන්තයේ, කලමසේරි පළාතේ, සම්මේලන මධ්‍යස්ථානයක, ක්‍රිස්තියානි නිකායක ආශිර්වාද දේව මෙහෙයක් සහ ආගමික සම්මන්ත්‍රණයක් පැවැත්වෙමින් තිබියදී, පිපිරීම් කිපයක් සිදුවිය.
පුපුරා ගියේ බෝම්බ පිපිරීම් තුනක් යැයි පොලිසිය පසුව පැවැසීය.
සම්මන්ත්‍රණයට පැමිණ සිටි එක් කාන්තාවක් පිපිරීමෙන් ජීවිතක්ෂයට පත්වූවාය. තුවාල ලැබූ ගණන 45 කි.
පිපිරීම සිදුවන අවස්ථාවේදී, සම්මන්ත්‍රණ ශාලාවේ සිටි පිරිස 2,000 කට වැඩි යැයි පැවැසෙයි.
බෝම්බ අටවා පිපිරීම කළේ 48 හැවිරිදි ඩොමිනික් මාටින් නමැත්තා යැයි පොලිසිය පවසයි. පිපිරීමෙන් පසු ඔහු පොලිසියට බාර වී ඇත.
ඩොමිනික් මාටින් ද එම ආශිර්වාද දේව මෙහෙය සහ ආගමික සම්මන්ත්‍රණය පැවැත් වූ ක්‍රිස්තියානි නිකායේ අනුගාමිකයකු බව ද තහවුරු වී තිබේ.
(එන්.ඩී.ටීවී.)
