ඉරානයෙන් මරාගෙන මැරෙන ඩ්‍රෝන යානයක්
මුහුදේ සහ ගොඩබිම ඉලක්ක හඹා ගොස් පිපිරී විනාශ වන ඩ්‍රෝන යානයක් හෙවත් මරාගෙන මැරෙන ඩ්‍රෝන යානයක් ඉරානය විසින් අද (26) එළිදක්වන ලදී.
මුහුදේ ජල මට්ටමට අඩි දෙකක් පමණ සමීපව පැයට කිලෝමීටර් 250 ක පමණ වේගයකින් ගමන් කළ හැකි මෙම ඩ්‍රෝන් යානයට පුපුරණ ද්‍රව්‍ය විශාල ප්‍රමාණයක් රැගෙන යා හැකි බව සඳහන්.
කෙසේ නමුත් එය නුදුරේදී මිසයිලවලින් සන්නද්ධ කොට භාවිතයට ගැනීමේ සූදානමක් නොමැති බවයි ඉරාන රජය ප්‍රකාශ කළේ.
2011 වසරේ දෙසැම්බර් මාසයේදී ඇමරිකානු මධ්‍යම ඔත්තු සේවාවට අයත් ඩ්‍රෝන් යානයක් ඉරානය විසින් සිය ගුවන් තලයේදී අත්පත් කරගත් අතර නව ප්‍රහාරක ඩ්‍රෝන් යානය නිපදවීමට එහි තාක්ෂණය යොදාගත් බවයි ඉරාන හමුදා බලධාරීන් සඳහන් කළේ.
( තිළිණි ද සිල්වා )
ද ගාඩියන් ඇසුරෙනි.....
