හෙනහුරාගේ වළලු අතුරුදන්
සෙනසුරු ග්‍රහලෝකයේ ඉතා අලංකාර වළලු අතුරුදන් වී ඇතැයි තාරකා විද්‍යාඥයෝ පවසති. සෙනසුරු යනු අප සෞර ග්‍රහ මණ්ඩලයේ හය වැනි ස්ථානයේ පිහිටි වායුවලින් සමන්විත ග්‍රහලෝකයකි.
සෙනසුරුට අයත් දර්ශණීය වළලු පද්ධතිය අතරුදන් වූයේ ඊයේ (23) දිනයේ සිටය. මේ බව තාරකා විද්‍යාඥයන් පසුගිය කාලය පුරාවට විටින් විට පැහැදිලි කර තිබුණි.
සෙනසුරුගේ වළලු අතුරුදන් බව පැවැසෙන්නේ, ඒවා පෘථිවියේ අපට නොපෙනී ගිය බැවිනි. එසේ වූයේ සෙනසුරු ග්‍රහයා අංශක 26.7 කින් ඇලවුණු අක්ෂයක් මත භ්‍රමණය වීම මේ වනවිට ආරම්භ කර ඇති බැවිනි.
සෙනසුරුගේ මෙම ඇලවීම හේතුවෙන්, එහි වළලු පෘථිවියේ සිටින අපගේ දෘෂ්ටි රේඛාවට හසුවන්නේ නැත. ඒ අනුව, සෙනසුරුගේ වළලු අතුරුදන් වූ බවක් පෙනෙන බව තාරකා විද්‍යාඥයෝ පැහැදිලි කරති.
හිරු වටා ගමන් කරද්දී සෑම අවුරුදු 29.5 කට වරක්, මේ අයුරින් සෙනසුරු ග්‍රහයා ඇලවුණු කක්ෂයකට පිවිසෙයි. සෙනසුරුගේ වළලු යළි පෘථිවියේ අපට පැහැදිලිව දකින්න ලැබෙනු ඇත්තේ 2032 වසරේදී යැයි නාසා විද්‍යාඥයෝ වැඩි දුරටත් පැහැදිලි කරති.
අප සෞරග්‍රහ මණ්ඩලයේ පැහැදිලිව දකින්න ලැබෙන වළලු පද්ධතියක් හිමි ග්‍රහලෝකය වන්නේ සෙනසුරුය. මෙම වළලු නිර්මාණය වී ඇත්තේ, අයිස්, දූවිලි සහ පාෂාණ අංශුවලිනි. ඒවා මේ අයුරින් වළලු ලෙස පවතින්නේ, සෙනසුරුගේ ගුරුත්ව බලය හේතුවෙනි.
(එන්.ඩී.ටීවී.)
