පසුගිය මාර්තුවේ පැවැති ජනාධිපතිවරණයෙන් අතිවිශිෂ්ට ජනවරමක් හිමිකරගත් ජනාධිපති ව්ලැදිමීර් පුටින් අද (7) සිවුවැනි වරටත් ජනපති ධුරයේ දිවුරුම් දුන්නේය.

රුසියාවේ අනාගතය වෙනුවෙන්, රුසියාවේ යහපත වෙනුවෙන් තමන් කැපැවී කටයුතු කරනවා යැයි පුටින්, දිව්රුම් දීමෙන් පසු ජාතිය අමතමින් කියා සිටියේය.

දිවුරුම් දීම සිදුවූයේ ක්‍රෙම්ලීනයේ ප්‍රධාන ශාලාවේදීය. රුසියානු වැසියන්ගේ නිදහස සුරකින බවටත්, ඔවුන්ගේ අයිතීන් ලබා දෙන බවටත් විදෙස් කුමන්ත්‍රණවලින් රුසියාව ආරක්ෂා කරන බවටත්, රුසියාවේ ස්වෛරීත්වය සුරකින බවටත් ජනාධිපති පුටින් ප්‍රතිඥා දුන්නේය.

(ඒ.එෆ්.පී.)