ව්ලැදිමීර් පුටින් තවත් සය වසරක කාලයක් සඳහා රුසියාවේ ජනපති ධුරයේ දිවුරුම් දෙද්දී, රුසියානු අගමැති ධුරය යළිත් වරක් සුපුරුදු පරිදි පුටින්ගේ සමීපතමයා වන දිමිත්‍රි මෙද්වදේව්ට හිමිවිය.

රුසියාවේ අගමැතිවරයා තෝරා ගැනීම සිදුවන්නේ පාර්ලිමේන්තු ඡන්ද විමසුමෙනි. මෙද්වදේව්ට පක්ෂව ඡන්ද 374 ක් හිමිවුණු අතර විපක්ෂව හිමිවූයේ ඡන්ද 56 ක් පමණි. 2012 වසරේ සිට පුටින් රුසියාවේ ජනපති ධුරය හොබවද්දී, අගමැති ධුරයේ කටයුතු කරන්නේ මෙද්වදේව්ය.

මෙද්වදේව් යළි අගමැති ධුරයට පත් කරන්නැයි ඉල්ලමින්, ඒ සඳහා ඔහුගේ නම යෝජනා කර ඇත්තේ ද පුටින් විසින් යැයි රුසියන් මාධ්‍ය වාර්තා කරයි.

(ඒ.එෆ්.පී.)