දකුණු අප්‍රිකා ඇමෙරිකන් තානාපති නෙරපයි
ඇමෙරිකාවේ දකුණු අප්‍රිකා තානාපති ඊබ්‍රහීම් රාසුල්, ඇමෙරිකාවෙන් නෙරපා දැමීමට ට්‍රම්ප් පරිපාලනය තීරණය කර ඇත.
ඇමෙරිකා රාජ්‍ය ලේකම් මාර්කෝ රූබියෝ සිය එක්ස් ගිණුම ඔස්සේ සටහනක් තබමින් පැහැදිලි කර ඇත්තේ, ඊබ්‍රහීම් රාසුල් ට ඇත්තේ ඇමෙරිකා ජනාධිපති ඩොනල්ඩ් ට්‍රම් විරෝධී අදහස් බැවින්, ඔහුට යළි ඇමෙරිකාවට පැමිණීමට අවසර නොදෙන බවය.
පසුගිය දිනෙක දකුණු අප්‍රිකාවේ ජොහැන්නස්බර්ග් නුවර පැවැත් වුණු විදෙස් ප්‍රතිපත්ති පිළිබඳ සමුළුවකටඇමෙරිකාවේ දකුණු අප්‍රිකා තානාපති ඊබ්‍රහීම් රාසුල් සහභාගී විය.
රාසුල් සමුළුව අමතමින් දේශනයක් පැවැත්වුණු අතර එහිදී ඔහු ඇමෙරිකන් ජනාධිපති ඩොනල්ඩ් ට්‍රම්ප් විවේචනය කරමින් පැවැසුවේ, ට්‍රම්ප් සෙසු රටවලට ගෞරව වන ආකාරයයට හැසිරෙමින්, ලෝක සම්මතය වෙනස් කරමින් තීන්දු තීරණ ගන්නේත්, ලෝක නායකයන් හෑල්ලුවට ලක් කරන්නේත් සුදු අන්තවාදීන් වටකරගෙන සිටින නිසා බවය.
“ඊබ්‍රහීම් රාසුල් කළ ප්‍රකාශයක් සම්බන්ධයෙන් ඇමෙරිකාවේ අප්‍රසාදය පළ කරන්න කැමතියි. ඔහු ඇමෙරිකන් ජනාධිපති ට්‍රම්ප් විවේචනය කර තිබෙනවා. එවැනි අයකුට යළි ඇමෙරිකාවට පැමිණෙන්න අවසර දෙන්නේ නැහැ” යැයි ඇමෙරිකන් රාජ්‍ය ලේකම් මාර්කෝ රූබියෝ නිකුත් කළ එම ට්විටර් පණිඩුයේ දැක්වෙයි.
ඊබ්‍රහීම් රාසුල්ගේ එම පෞද්ගලික ප්‍රකාශය නිසා, ඇමෙරිකාව කිසිම අවස්ථාවක දකුණු අප්‍රිකාව සමග පවතින මිත්‍රත්වය නැති කර ගැනීමට බලාපොරොත්තු නොවන බව ද ඇමෙරිකන් රාජ්‍ය ලේකම්වරයා වැඩිදුරටත් පැහැදිලි කර ඇත.
(ඒ.එෆ්.පී.)
